මකරු කොටු නොවේ මහතුනි ඔය දැලට
දැලේ හිල් බොහොම ලොකුවට උන් සැමට
වැඩේ වැරදුනේ පැටියට සහ අපට
වටේ මුර දෙවියෝ "අපි වෙනුවෙන් අපිට"
රුවල් ඉරා කොඩි එසවුනි බේරුවල
වරල් නැති මාළු උතුරේ කලපුවල
බැරල් ගහනකොට පිම්බුනු කැව්තුවල
සුරල් රඟ දැනේ උනුදා ගෙවතුවල
බණේ අපටමයි උන්මයි බෝසත්තූ
වනේ අපිටමයි අපිමයි දුප්පත්තූ
සිව්මහ බඹුන්ගෙන් ලයිසන් ලැබගත්තූ
"කටපුංචෝ" ඉතිං ඉවරද වී පත්තූ
දයා නෙත්තසිංහ
No comments:
Post a Comment