''රණවිරු පවුලක උපදින තුන්වැනි දරුවාට රුපියල් ලක්ෂයේ දීමනාවක් පිරිණැමේ."
-(පුවතක්)
අසඩක් වරෙන් ලස්සෙට කොඩි දමන්නට
එක දෙක නැතිව තුන්වැනියා වදන්නට
ණයවෙන ජාතියක බරපැණ ගෙවන්නට
පැටියෙකු තනාදෙමු ලස්සේ ලබන්නට
කන බොන අඳින වියදම ණයටම කරමූ
පළවෙනි දෙවෙනි පැටවුන් මහ මග හලමු
තුන්වෙනි එකාටම උප්පැන්නය ලියමූ
ලස්සේ අරං හැම මගුලෙම ණය ගෙවමූ
ඒත් කොහොම තුන්වෙනියා හදන්නේ
ඊට කළින් තව දෙදෙනෙකු වදන්නේ
රෑත් ඇඳෙත් අපි දෙන්නා තැවෙන්නේ
බරපැණ මතක් වී වැඩ මග හරින්නේ
හතර අතේ පොලියට ගත් ණය කැටියා
හබලක් නැතිව ඔරු පදිනා මෙනි තොටියා
අයවැය ගෙවෙන්නට කලියෙන් කල් නොයවා
පිළිසිඳ ගනින් පිං ඇති ලස්සේ පැටියා
- සැකකාරයා -
