දෙනියාය මස්කෙළිය
හැටන් සහ දික්ඔයත්
ත්රස්තවාදීන් සිටිති...!
සුපිරි පහසුකම් සහිත
බංකර තිබේ එහි
සන්නද්ධ වී සිටිති
උන්
රොටී පුච්චන 'කබල'කින්
''මුරුගේසු'' තංගම්මාට කියපන්
රොටී පුච්චනවා නොවෙයි තවත්
වෙඩි තියන්නත් බැරි නැහැ
දේශප්රේමි ඇමතිවරු...!
පාන්පිටිවල ඔතා
ගැඹුරු තෙලේ
බදින්නත් බැරි නැහැ උඹ
උන්ගේ කටගැස්මට...!
මුරුගේසු
බාරදීපන් 'කබල' ආණ්ඩුවට
කබල බර අවියක් විය හැකිය...
දෙන්න එපා පොඩි උන්ට
මුරුක්කු
ඇමතිවරු දැක්කොත්
කපාවී දේශද්රෝහී පැටවුන්ගේ
දිව....
සාම්බාරු හොදි
උළුඳු වඩ
මසල වඩ
තෝසේ සහ ඉට්ලි
පෝංගල්...පූරී - ලඩ්ඩු
චපාති...
දේශද්රෝහී ආහාර විය හැකිය....!
පිසීමත් තහනම් කල හැකිය.
මුරුගේසු...!
හැලප, කුරක්කන් තලප
කැවුම් කිරිබත්, කිරි හොදි
දේශප්රේමී ආහාර වන්නේය
නිතර නිතර කෑමට ගනිං.........!
බත ඉදෙව්වට කමක් නෑ
වෙලාවට වරෙන් වැඩට
පාන් හෙම කෑවොත්
වාමාරනවා ගෙනිහිං
හතරවෙනි තට්ටුවට...!
ජීවන වියදමට සරිලන
වැටුප් ඉල්ලනවා හෙම නෙවෙයි
බැරිවෙලාවත්
උඹ එතකොට
වැටුප් ත්රස්තවාදියෙකි...!
බඩුමිල ගැන
කට අරිනු තහනම්ය
උඹ එතකොට
බඩුමිල ත්රස්තවාදියෙකි...
ප්රජාතන්ත්රවාදය
නිදහස, සමානත්මතාවය
මේ මොකක් ගැන උනත්
කට අරින්නේ දේශද්රෝහීන්ය.....!
ත්රස්තවාදීන්ය...!
කඩාකප්පල්කාරීන්ය....!
''මුරුගේසු''
රාජ්ය සේවය පිණිස
කැඳ බිව්වාට කමක්නෑ
බෙට්ට ඕනලු කෙලින්
ආණ්ඩුවට
පෙන්නන්න
ලෝකෙට...
උකුස්සා
No comments:
Post a Comment