සුළඟ . . . සුළි සුළඟ . . . ඊළඟට
කුණාටුව . . . .
සමකයට
උතුරින්ද . . . දකුණින්ද . . . .
සිව් දිසාවෙන් වුවද
හමා එන
මේ සුළඟ . . .
මල් සුවඳ රැගෙන එන
බොල් රොඩුද ඉවත් කර
බරක් ඇති අස්වැන්න
මතුකරන
මේ සුළඟ . . .
මහා සාගර සමඟ
එරල් - රතු මුහුදින් ද
ආසියා අප්රි්කා යුරෝපා
කඳු මහද්වීපයන් . . .
කොදෙව් දූපත් අතර
සැරිසරා
ගිනි නිවන . . .
අවුලුවන
මේ සුළඟ
ඇල් පවන් රැළි ගෙනෙන
තාපයද කැටිව එන
සකළ විධ වෙනස්කම්
නොසළකා හමා එන
මේ සුළඟ . . .
පෙරලමින් මහ පවුරු
දෙබෑකර කළු වලා
චන්ඩ ලෙස නැගුණු කළ
ඔබ කියන . . .
කුණාටුව . . .
සියවසින් සියවස
පැරණි සුන්බුන් වලට
අලුත් අදහස් උනන යට කරන
හිස් ගසන . . .
පාපයට එරෙහිවම
චණ්ඩ ලෙස යලි යලිදු
පොර බදන . . .
කුණාටුව . . .
එනු . . . එනු . . . තවත් තුරුලට
උරුමය . . . දිනන්නට . . . මිහිමත
No comments:
Post a Comment